Mt Humarap, Falls Harlem Shake

Unang Yugto
Ikalawang Yugto

Tingnan mo nga naman at may nagbabasa parin pala dito. O san na ba tayo natapos sa ating munting kwento? Ayun, bumalik na sa aking isipan at nahuli ko na ang ideya.

Kakatapos lang namin kumain at nakapagayos na kami ng mga gamit. Handa na sana kami bumaba, peros siyempre bago ang lahat, kelan ba naman nawala ang pictorial. Di kumpleto ang lakad ng tropa pag walang litrato para sa mga alala.Sana lang ay wala kaming makita na kung anong extra sa mga litratong aming makuha. Pose pose dun, pose pose dito, group pic, wacky pic at jump shot at kung ano ano pang mga kuha ang pinaggagawa namin hanggang sa nagsawa na kami at naisipan na nakarami na din naman kami siguro.

Pol

Nang papaalis na sana kami, may nag bato lang ng isang baduy na ideya. Gumawa tayo ng Video ng Harlem shake.  Ang corny at ang baduy na ideya, pero kumagat kaming lahat at tuwang tuwa kami. Yun pala ang kiliti ng Harlem Shake, hindi para sa mga manunuod kundi para sa mga gumawa ng "shake it" dance moves na iyon. Hindi ko matake, ang baduy talaga. Parang mga ewan lang na unang beses makakita ng video camera at sumayaw na lang ng kung ano ang mapagkatuwaan. Mistula kaming mga takas sa isang mental institution, mga preso na nasobrahan ng upo sa silya elektrika, mga ewan lang na pagkagat ng musica ay mag eepeleptic seizure na. Babala, pang weird at mga baliw lang ito dahil may koryograpy pang nangyari at rehersal bago ang actual shooting. Ok so dito kami natuto ng ilan sa mga dance moves namin... wow very educational talaga diba. Kaya manuod lang tayo ng manuod. At heto naman na ang... Harlem Shake Mt. Humarap edition

Sabi ko  sa inyo diba, kuhang kuha. With practice comes... comes lang, wala na ako masabi eh. Di na kasi ko makahinga sa kakatawa. Siguro kung may mga nilalang kaming nagambala nung gabi, naentertain din namin sila kahit papano sa dance moves namin.

Matapos ang tawanan at lokohan, ito na. Kailangan na nga namin talaga bumaba ng bundok at babalik na kami sa sibilisasyon pero may side trip pa kaming pupuntahan. May Matabungka Falls pa kami bago kami mag balik sa tunay na mundo.